《下一站⋯⋯？》
節目要出街之際，意佬其實收到公司大大大腦細電話，命佢第二朝出發去開羅總部傾簡報會細節，又叫意佬帶埋護照咁，R哂頭……🤔
好啦，第二朝開開吓會，行政部笠咗意本護照幾粒鐘🤦🏿♀成件事匪夷所思😳。到下晝，秘書姐姐俾返本護照意佬嘅時候話：「你既簽證已經準備好 ,聽朝一早就可出發。」
原來公司總裁已買咗機票俾意佬同另一個德國佬，即日遞解踢佢上飛機😳😳一腳忽佢去 沙地阿拉伯 主持發佈會！意佬話：「我乜嘢準備都冇，著住T恤牛仔褲咋噃！」「唔緊要，即晚買！不過自己俾錢！」🙄🤬😒😑😤
唔講唔知，原來沙地阿拉伯呢個石油王國，喺2018年前除咗商務簽證或回教徒，其餘人一律冇得入境。
望住成身價錢牌嘅意佬擺出了勝算在握嘅笑容 ，問問自己，老公再進級，幫公司傾壇project返嚟巧叻仔㗎喎，應該引以為傲嘅⋯⋯但我腦海閃著一堆問號：「究竟意佬有冇命返嚟？」「如果發佈會成功，咁意佬都會去做埋一份？」「咁如果我跟埋去，嗰度啲女人地位低賤到連屋企門都唔可以應，咁我即使跟埋佢去都只會哩埋等發霉？」……
「既然我選擇得跟你走，點解我唔用盡我嘅全力去成全你？」
生命從來都是充滿了矛盾。💨
節目裡貝兒都有唱「來讓我跟你走~🎼流浪到天邊海角~」難道我嘅下一站係……沙特？，其實我係想唱下一站天后，近近哋唔好咩？
個客下星期就有答覆，我心地善良，希望阿拉伯佬睇唔中意佬。🤞🤞
#來讓我跟你走
#流浪到沙地阿拉伯
#嫁到3貝兒都有唱過
#下一站邊度 #下一站天后
#嫁到意大利 #生根唔落地 #真係生條毛
Search